خرابيط شــوابنا

السلام عليكم ورحمة الله وبركاته ........

و للحين بعد .. شي معتقدات حدث ولا حرج خخ ..

و من معتقدات أيام أول ..

بوبشير .. وهو حشرة ضعيفة وطويله و عندها اينحه طوال .. كانوا يعتقدون إذا شافوه يبشر عن ضيف ياي أو عمل ناجح او المطر بينزل .

-ام النقيع .. هي حشرة من الخنافس .. كانوا يمسكونها بإيدهم ويتمنون أمنية إذا نقعت بتتحقق الأمنية وإذا لا ما بتحقق. ---

- الطيطار .. إذا ظربناه وانقطع ذيله لازم ينحط على الذيل شيء لأنه يدعي على أهل البيت.

- هاي حق اهل البحر بس .. إذا بتاكل السمجة لازم تقطع راسها قبل ما تبتدي فيها.

- تعالو يا الشعراء هاي لكم .. يقولون اللي ياكل لسان الذبيحة يستوي شاعر. ---

- الماي .. مب زين ينشرب حزة المغرب.. لأنه يمرض.

- يوم بتي ترقد لا تحط الماي عند راسك لأنه يخف نظر العين
...حطوه تحت المخده... خخخخخ ---

- كانوا يقولون رقاد العصر يقصر العمر . >> ألحينه الكل فاخنه رقاد خخخ ..

- النعال ( عزكم الله ) مب زين يتم مجلوب .. لأنه يدعي
على أهل البيت أو تستوي مشاكل وضرابه ووتكفيخ .ويقولون حرام اتم الجهة
السفلية من النعال مجابلة السما لانه ربك فوق .. ---

- كانوا يدخنون بالشبّه لأنه يطرد الحسد.

- كانوا يقولون إذا رفت العين اليمين خير، وإذا رفت العين اليسار شر.

- إذا كفك اليمين حجك يعني بتعطي حد فلوس، وأذا اليسار بتقبض فلوس
أظني كل حد بيتمنى ا يده اليسار تحجه .. ههههههههه ---

- إذا خشمك حجك يعني بتسلم على شخص ياي من بعيد.

- إذا اذنك انسدت يعني حد يطريك يا بالخير أو بالشر

ههههههه
ليش الغلط انا شيبه ترا هههه

تسلمين على هالطرح الغاوي
والله يوليج لعافيه

عًٍآمًرٌٍيَ طُْرٌٍ كتب:: ههههههه
ليش الغلط انا شيبه ترا هههه

تسلمين على هالطرح الغاوي
والله يوليج لعافيه

ههههههههه اووووووه مديرناا شيبه هع

ربي يسلمك
تسلم الغالي ع المرور الطيب لاهنت